"Maskedronninga" - verdas første, reinspikka strikkekrim!
Hildegunn Moltubakk aka Strikkebitsj:
SKRIV PÅ VERDAS FØRSTE STRIKKEKRIM!
Eg har sett meg grundig lei på at det ikkje fins ein einaste krimroman frå det norske strikkemiljøet! Greitt, så får eg gjere jobben sjølv, då! Men eg treng di hjelp!
Hadde krimforfattarane berre visst kor mykje baksnakking, bakvasking, triksing, miksing og dirty games som pågår i kulissene i norske strikkesirklar - ja, så hadde dei kunne forsynt seg av ei gullgruve. Men sidan ingen andre gidd, tek eg tastaturet i eiga hand! Med di hjelp blir eg krimforfattar i den nye banebrytande krimsjangeren; strikkekrim!
FØREHANDSBESTILL GJENNOM SPLEIS NO!
"Maskedronninga" blir ein realitet dersom eg får minst 700 førehandsbestillingar innan 1. april 2020. I så fall får du boka i posten innan 1. desember, slik at du kan kose deg i godstolen før jul, eller gje bort boka i julegåve.
Velg mellom 1 eller 3 bøker, spar pengar ved å bestille fleire! :)
OM KRIMBOKA
"Maskedronninga" er ei svært underhaldande og spanande bok som tek utgangspunkt i den eksklusive strikkeklubben "Rundpinnebrennarane" - ein stad på Nordvestlandet. Tove-Gunn har vore nestoren i klubben i årevis, og ho er i bygda kjend som "Strikkemaskina" - ho kan nemleg strikke ei setedalskofte i halvblinde på under ei veke.
Men ein dag får strikkeklubben aller nådigst eit nytt medlem. Tilflyttaren Michelle Kvitblikk frå Hardanger vil absolutt bli medlem, og då begynner ting å skje. Strikketøyet til medlemmane forsvinn på mystisk vis, og bilane deira vert punkterte med strikkepinnar. Tove-Gunn bestemmer seg for å etterforske saka sjølv, men ein dag finn ho ein undulat i postkassa si - kvelt med ein rundpinne...
Boka skal etter planen gjevast ut på eit sjølvpubliseringsforlag. Dersom målet på 700 førehandsbestillingar vert nådd er alle med i trekninga på eit besøk/foredrag med Strikkebitsj til din strikkeklubb!
Her kan du følge utviklinga av produksjonen og få generell informasjon om Hildegunn - aka "Strikkebitsj"