Grillhytte til glede for små og store ved Oppstryn skule og barnehage!
Oppstryn oppvekstforening /FAU ved Oppstryn skule og barnehage ynskjer å få satt opp ei grillhytte på uteområdet til skulen og barnehagen. Dette etter ynskje frå små og store ved Oppvekstsenteret.
Skulen er hjarte i bygda vår, og er ein stor samlingplass både for oss som bur her og for folk som er på gjennomreise. Her finn vi den einaste leikeplassen i bygda, her er ballbinge og idrettsarena.
Grillhytta vil gje skulen, sfo og barnehagen ein ekstra stad å vere. Både ved undervisning, matlaging og leik. Grillhytta vil også være eit godt supplement for å dele dei yngste og eldste i barnehagen. Spesielt om vinteren vil Grillhytta vere god å ha til å varme seg, ete lunsj og gjere andre aktivitetar, før ein går ut att og leikar vidare. Dette vil sjølvsagt gjelde heile året.
Vi har satt som mål å samle inn 50 000 med spleis! Klarer vi det er vi på god veg til å kunne realisere dette prosjektet i 2025! Vi håpar du eller bedrifta di vil vere med å støtte prosjekt GRILLHYTTE🫶