Spleis til ridehall

Volda rideklubb har i 25 år arbeidd for å kome i posisjon til å byggje ridehall, og endeleg er målet i sikte. Vi har sikra oss eit godt område med lang leigetid på Rotevatn, og har fått lånetilsegn i Sparebank 1 Søre Sunnmøre. Spelemiddelsøknaden er komplett for handsaming, og det einaste vi manglar no er kommunal garanti på lånet, noko vi reknar med å få i april. Vi har valt Fjøssystemer som halleverandør, og vil nytte lokale underleverandørar/entreprenørar der vi kan. Hallen skal vere 20x63 meter, og har plass til bane med internasjonale mål og tribune. Målet er byggjestart no i løpet av våren. Dette vil gi eit godt løft for hestesporten i Volda, som allereie har fostra fleire dyktige ekvipasjer. Det å kunne trene heile året, uavhengig av vêr, gir oss store moglegheiter. Vi kan då tilby kurs, stemner og show året rundt. Volda rideklubb har satsa mykje på rekruttering til sporten opp gjennom åra, og har jamnleg ridekurs for barn og unge i sommarhalvåret. Med hall treng ikkje aktiviteteten å stoppe opp om vinteren. 

Draumen er å opne ein rideskule ein gang i framtida, men då må vi først få på plass både hall og klubbstall (byggjesteg 2). Vi håper de vil vere med å støtte oss på vegen, og kan legge til at alle som gir meir enn 1.000 kroner vil få ein flott sponsorrosett som minne. 

Alle beløp vert tatt imot med stor Takk!