Etter 19 års kamp for å bli trudd, har Suel no endeleg fått dokumentasjon på at han snakka sant i 2004, då han kom til Norge. Han sa då at han var 16 år, at han hadde flykta medan heimen var under angrep i Burundi, og at foreldra og søstera hans var drepne. Norske myndigheiter derimot meinte han var 19 år og frå eit anna land.

Om UDI hadde trudd på han då han kom hit som einsleg mindreårig asylsøkjar, ville han hatt opphaldsløyve i dag. Truleg ville han óg ha vore norsk statsborgar. 

I staden for å innrømme at det var feil å ikkje tru på Suel den gongen, ønskjer staten no å sende han ut av landet. Dette er ein stor feil. Derfor vil Suel, med hjelp frå støttegruppa "Rettferd for Suel", gå til sak mot staten.

Støttegruppa ønsker å bidra slik at Suel får god advokathjelp i rettssaka. Det er forventa at saksugiftene vil kome på om lag 400.000,- . I tillegg til dette ønsker vi å bidra til at Suel kan få ein ny start. Vi ønsker at han skal ha moglegheit til å gjere ting som har vore umogleg for han alle desse åra. At han kan etablere seg slik han elles hadde gjort, om livet ikkje vart satt på vent i 19 år. 

Mål for innsamlinga er 500.000,-. Ubrukte midlar blir overført til ein eller fleire organisasjonar som jobbar for å hjelpe menneske i liknande situasjonar som Suel no er i, og/eller til arbeid som bidrar til meir rettferdig asylpolitikk.

Suel har budd i Norge sidan 2004, og er ein viktig del av lokalsamfunnet i Herøy kommune. Han høyrer heime hos oss i havgapet! 

Takk til deg som ønsker å støtte Suel! Du kan følge saka på www.rettferdforsuel.no