Vi treng deg! Vi treng kvarandre! Gi Diktkammeret eit godt nytt år!

Diktkammeret feira 20 år i år – den første postinga er frå 6. februar 2001 og vart posta på Dagbladets system. Men i 2015 kunne ikkje Dagbladet lenger drive Diktkammeret. Den tekniske løysinga var utdatert og alt såg mørkt ut. Men Diktkammeret ville ikkje døy. Eit nytt system vart utvikla som vidareførte det beste frå det gamle forumet – og bevarte heile det kulturhistorisk eineståande arkivet offentleg tilgjengeleg.

I dag er heile nettet erobra av store konsern. Heile? Nei, eit lite Diktkammer gjer framleis motstand. I juli 2020 samla vi inn 30 000 kroner for å sikre eit nytt år med drift. Det har vi sanneleg greidd – med renter! 

Diktkammeret blir drive ikkje-kommersielt, på idealistisk basis, utan fast støtte, utan plagsame annonsar, utan å gjere brukaren til produktet. Det kostar ikkje riktig all verda, men alt kostar. For nye 30 000 kroner kan vi vere trygge på eit år til med drift, både teknisk og innhaldsmessig. Men då treng vi ein dugnad– ei jule- og nyttårsgåve.

Greier vi innan 1. januar å sikre eit nytt år med det gamle, nye, eviggrøne Diktkammeret?