Tyfonen Odette har råka Filippinene hardt. Bileta av øydelagde hus, bedrifter, forretningar, skular og kyrkjer gjer inntrykk . Kona mi, Liza Marie, er frå Maasin City, Southern Leyte, ein av byane der naturkreftene gjorde stor skade. Mange i nabolaget der ho voks opp, og fleire av slektningane hennar, har fått huset sitt øydelagd og mista alt dei hadde. Også taket på sjukehuset er blese vekk. Barndomsheimen hennar er knust av tre som velta. Liv har gått tapt, ogs mange er sakna.

Tyfonen kom i tilegg til auken prisen på ris og andre levekostnader, koronaepidemien og problema elles for folk som hadde lite frå før.

Kona mi er takksam for at det trass alt gjekk bra med familien hennar. Men ho gjer kva ho kan for å hjelpa sine tidlegare naboar og heimbyen sin. Behovet er imidlertid stort. Ho vil difor be alle godhjerta som les dette om å vera med og hjelpa i den krevjande gjenoppbyggjinga som ventar. Mange treng byggjematerial, men det er også behov for drikkevatn, mat og medisin. All hjelp som kjem inn, vil vera eit kjærkomne bidrag til å gjera inngangen til julehøgtida litt lettare for dei tyfonråka og gje dei eit glimt av von for framtida.

Liza Marie minnar om at sjølv eit mindre bidrag, i norsk målestokk, frå kvar av dykk vil vera til stor hjelp i Maasin. Saman kan me gjera ein skilnad og hjelpa dei råka ikkje berre gjennom juledagene, men gje dei høve til å byggja opp att heimen sin, livet sitt og byen sin. Som nemt er dette heimbyen og nabolaget hennar, så ho veit korleis å sikra at alle innkomne midlar kjem fram til dei som treng det.