Stiftinga Det flytande litteraturhuset Epos vil gjerne eige båten Epos sjølv. Til det treng me eigenkapital, og her drar alle monnar. Me vil sjølvsagt gje ei stor takk og gjere stas på alle som har bidratt.

Det er mange som har teke kontakt fordi dei vil bidra til at bokbåten Epos held seg flytande som bokbåt. Difor har me oppretta ein Spleis, så kan ein kjøpe seg ein liten bit bokbåt, og bidra til at Det flytande litteraturhuset Epos har ei lang og trygg framtid.

Bakgrunn:

Bokbåten Epos har vore flytande bibliotek på Vestlandet 59 år. I 2020 la fylkeskommunen den ned, men Bokbåten lot seg ikkje stoppe! 28 kommunar gjekk saman, med Alver kommune i spissen, om eit pilotprosjekt. Det flytande litteraturhuset Epos besøkte 44 hamner, og inviterte til 88 arrangement hausten 2021. Til hausten kjem den på tokt igjen.

I 2022 løyvde Fritt Ord 3 millionar til Tekstallianse til vidare drift av prosjektet, og målet er sjølvsagt at bokbåten skal vere eit tilbod i minst 59 år til. No er stiftinga under etablering, og Maria Pile Svåsand er tilsett som dagleg leiar.

Dersom stiftinga Det flytande litteraturhuset Epos eig båten sjølv, kan ein ha litteraturhusdrift heile året, og i større grad etablere eit meir omfattande tilbod.

Ver med å sikre at Epos fortset å vere det kjente og kjære synet i vestlandsfjordane!