Vi har tidlegare samla inn ca. 225.000 til Suel på Spleis. Dessverre tapte Suel saka si i tingretten, så saka er anka og skal opp i lagmannsretten i oktober. Vi treng 200.000 til for å kunne fullfinansiere anken i lagmannsretten. 

Suel har kjempa ein kamp for å bli trudd i 20 år. Då han kom til Norge mangla han papir. Han fortalte at han var 16 år, at han hadde flykta medan heimen var under angrep i Burundi, og at foreldra og søstera hans var drepne. Norske myndigheiter derimot meinte han var 19 år og frå eit anna land. I seinare tid har Suel skaffa dokument som viser at han har snakka sant heile tida, men staten har så langt ikkje snudd i saka.

Om UDI hadde trudd på han då han kom hit som einsleg mindreårig asylsøkjar, ville han hatt opphaldsløyve i dag. Truleg ville han óg ha vore norsk statsborgar.

I staden for å innrømme at det var feil å ikkje tru på Suel den gongen, ønskjer staten å sende han ut av landet. Dette er ein stor feil. Derfor har Suel, med hjelp frå støttegruppa "Rettferd for Suel", gått til sak mot staten.

Mål for den nye innsamlinga er 200.000,-. Ubrukte midlar blir overført til ein eller fleire organisasjonar som jobbar for å hjelpe menneske i liknande situasjonar som Suel no er i, og/eller til arbeid som bidrar til meir rettferdig asylpolitikk.

Suel har budd i Norge sidan 2004, og er ein viktig del av lokalsamfunnet i Herøy kommune. Han høyrer heime hos oss i havgapet!

Takk til deg som ønsker å støtte Suel! Du kan følge saka på www.rettferdforsuel.no