Formål med ’Fokus på ME’  er å samle inn pengar til biomedisinsk forsking på ME i Noreg, i første omgang til Haukeland Universitetssjukehus, Avdeling Kreftbehandling og medisinsk fysikk, forskingsgruppa leia av Olav Mella og Øystein Fluge. 

ME er ein av dei mest invalidiserande sjukdomane som er kjend, men likevel er dei statlege midlane til forsking på denne sjukdomen svært låge. I 2015 kom det ein rapport frå renommerte «Institute of Medicine» i USA, der 15 forskarar har gått gjennom 9000 forskingsartiklar og konklusjonen er at ME er ein alvorleg, fysisk, kronisk og kompleks multisystemsjukdom, som er sterkt funksjonsnedsettande. 

ME rammar barn, unge, vaksne og eldre. Sjukdomen rammar kvinner (75%) og menn (25 %), og i alle etniske folkeslag. Mange leve eit uverdig liv. Vi veit at i Noreg ligg barn, unge og foreldre i spesialbygde hus, med minimal kontakt med omverda. Desse trenge eit håp. Denne spleisen skal gje håp, håp om at forskarane vil finne ei behandling. ME-pasientane fortene at det verte forska meir på denne sjukdomen. 

Forskingsgruppa i Bergen er samansett av legar og forskarar, sjukepleiarar, forskingsteknikarar, molekylærbiologar og treningsterapeutar. Gruppa arbeider med kliniske studiar som omhandlar mogeleg medikamentell behandling for ME. I tillegg driv gruppa kontinuerlege laboratorieforsøk med utgangspunkt i ein biobank med blodprøver og anna prøvemateriale frå deltakarar i dei kliniske studiane. Forskinga har som mål å kartleggje sjukdomsmekanismar ved ME, og identifisere biomarkørar for sjukdommen.

Vi håpar du blir med å støttar denne spleisen. Hjarteleg takk til alle som støttar.