Vi treng deg! Vi treng kvarandre! Hjelp oss å sikre eitt år til med Diktkammeret!

I 2015 kunne ikkje Dagbladet lenger drive Diktkammeret. Den tekniske løysinga var utdatert og alt såg mørkt ut. Men Diktkammeret ville ikkje døy. Eit nytt system vart utvikla som vidareførte det beste frå det gamle forumet – og bevarte heile det kulturhistorisk eineståande arkivet offentleg tilgjengeleg. 

No skriv vi 2020. I september er det heilt sjølvstendige kammeret fem år og framleis sprell levande! 

Men Diktkammeret blir drive ikkje-kommersielt, på idealistisk basis, utan fast støtte, utan plagsame annonsar, utan å gjere brukaren til produktet. Det kostar ikkje riktig all verda, men alt kostar. For 30 000 kroner kan vi sikre eit år til med drift, både teknisk og innhaldsmessig. Men då treng vi hjelp. Vi må løfte saman.

Greier vi innan 15. juli å sikre eit nytt år med det gamle, nye, eviggrøne Diktkammeret?