Diktkammeret har passert minimumet vi treng for å halde det gåande i eit år til -- med noko margin. Alle midlane vil gå med til å sikre god drift av Diktkammeret. 

No er det tre dagar igjen av spleisen, og vi er veldig glade og takksame for at det har gått så bra! Samtidig er vi også spente på om det kjem inn litt meir i innspurten.

Slik at vi kan puste endå litt friare og tryggare.

Tusen takk til dykk alle!

Hurra!   

I løpet av ei god veke har Diktkammeret fått inn den minimumssummen som skulle til for å sikre eit nytt år med drift.  Letta, oppløfta og med fornya optimistime går vi dermed inn i eit nytt Diktkammer-år. Tusen hjarteleg takk til alle som har bidratt med eigne pengar eller ved å dele og spreie bodskapen -- og ikkje minst, til alle som faktisk bruker Diktkammeret og gjer det til noko som absolutt har livets rett!  

Med tre veker igjen av spleisen vil vi gjerne understreke dette: alle pengar som kjem inn også vidare går til Diktkammerets beste og til å sikre drift både i breidda og lengda. Eksistensen er sikra for året som kjem, det kan vi juble over. No har villige givarar ved vidare bidrag høve til å bidra til å styrke drifta, gi diktlærar, teknikar og jury pusterom og kanskje til og med gjere det mogleg for dei å kome på noko lurt av og til.

Vi er overvelda, djupt takksame og framleis veldig spente!

Hurra! Vi er verkeleg godt i gang! På under tre dagar er vi over halvvegs til å sikre eit nytt år med Diktkammeret!

Tusen takk til alle som har støtta oss så langt, og hjarteleg takk for at de hjelper oss å spreie bodskapen til alle som vil at ein stad som Diktkammeret skal finnast også i framtida!