Det nye året er her og eg sit med "rekneskapet" for julegåvespleisen som tok av på sosiale medier, og enda i svimlande 51 282,50 kr til julegaver til borna på Skarslia akuttmottak. 

Takk igjen, for all givarglede! 

De lurer kanskje på korleis det gjekk?! 

Jo, torsdag 22. desember reiste ein liten gjeng opp til mottaket med bilen full av harde og mjuke pakker, eit julenissekostyme og lass på lass med kaker, klementiner og anna godt. Dei 35 borna på Skarslia vart veldig glade og gira då dei såg gavehaugen! Litt skuffa når den vart pakka vekk, kanskje... men det var for å halde på spenninga til sjølvaste juleaften. Me fekk imidlertid tatt ein sjekk på om alle hadde ei pakke med sitt navn på, og bortsett frå litt ukrainsk navneforvirrig (nokre navn går att ofte!) så stemte det. Puh! 

Med god hjelp frå butikkane på Sundre (ein spesielt stor takk er på sin plass til Norli og Intersport!) hadde me klart å skaffe det som stod på ønskelistene til samtlege, så me håper at det var mange glade born og unge på Skarslia på juleaften. 

Tusen takk til Torunn Røer som var med på gavekjøp, pakking og ikkje minst stilte  opp med kransekake på Skarslia. Sønn Thorkjell var kveldens mest sporty i ei veldig veldig varm julenissedrakt! 

Takk også til Kari Vibeke Berg som hadde baka nydeleg gjærbakst og kom med eplemost. 

Av pengane samla inn kjøpte me gåver for kr 43229,57, noko som betyr at det er 8053 kr att ... Dei skal Skarslia få til å lage ein fin dag med opplevingar for borna og foreldra. Kanskje det blir hundekøyring? 

Takk igjen for DITT bidrag! Det har betydd mykje! 

Med ønske om eit godt 2023. 

Ann

Hei!

I dag er det seks dagar sidan eg oppretta spleisen for julegåver til born på Skarslia akuttmottak, og i skrivande stund er me oppe i svimlande 45 000 kr. Det er heilt vilt! 

Tusen, tusen takk til alle som har bidrege. 

I går (torsdag 1. desember) var eg oppe på Skarslia for å planlegge korleis me skal gjennomføre det heile. Og for det første må eg berre si at det er så triveleg der! Huset er julepuynta, stemninga roleg, og store og små gler seg til jul. Og på bakrommet der me hadde møte hang det tre fine ønskelister til nissen... 

Og fleire skal det bli, for me vart einige om følgande: 

- Pengane frå Spleisen blir brukt til gåver til alle som bur der som er under 20 år. Det vil vere mellom 30-35 stykker når me kjem til jul. 

- No skal ungane skrive ønskelister, og 15. desember flyg nissen over Skarslia og samlar dei opp.... 

- Viss det blir pengar til overs når gåveønskene er oppfylt skal ungane i tillegg få ein draumedag med kjekke opplevingar i gåve! Kanskje blir det tur til Vestlia på Geilo rett etter nyttår, med bading, ski, god mat og leikeland...? 

- Dessverre blir det nok litt overveldande viss heile bygda troppar opp på Skarslia for å gi gåvene den 22. desember, så me blir i staden ein gjeng på omlag 10 stk som reiser opp. Viss du veldig gjerne vil bli med, så send meg ein epost! nordheim.anne@gmail.com 

Igjen: Tusen hjarteleg takk for alle bidrag 

Og send gjerne oppdateringa vidare til nokon du vil tipse om spleisen! 

Klarar me 60 000 kr tru??....